Данияр Шарабадин киберфутболдан Әлем чемпионатының Play-Ins кезеңінде өнер көрсетеді

🎮 Данияр Шарабадин киберфутболдан Әлем чемпионатының Play-Ins кезеңінде өнер көрсетеді

✨ Қазақстандық киберфутболшы Данияр Шарабадин (Danik) EA SPORTS FC Pro World Championship 2026 турнирінің Play-Ins кезеңіне қатысады.

✨ Әлемнің үздік ойыншылары жиналатын ірі додада қазақстандық ойыншы А тобына түсті. Оның қарсыластары – Tekkz, Caccia, Kaylan, Yulite42 және Fouma. Топтық кезең қорытындысы бойынша үздік төрт ойыншы плей-оффқа жолдама алады.

🕹️ Play-Ins кезеңінде жалпы 60 ойыншы бақ сынайды. Олар алдымен топтық кезеңде өзара айналым жүйесі бойынша кездесіп, кейін үздіктер бір матчтан тұратын плей-офф кезеңінде әлем чемпионатының негізгі кезеңіне берілетін 10 жолдаманы сарапқа салады.

Данияр Шарабадин – Қазақстанның киберфутбол бағытындағы жетекші ойыншыларының бірі. Оның FC Pro World Championship Play-Ins турниріне қатысуы – қазақстандық киберфутболдың халықаралық аренадағы тағы бір маңызды жетістігі.

Даниярға сәттілік тілейміз! 🇰🇿 @sharabadin.daniyar